24/7 լուրերի կիզակետում

24/7 լուրերի կիզակետում

|

Կապ մեզ հետ +374 (11) 555 330

Գլխավոր Արվեստ Քաղաքի վրա ամպի նման կուտակվել է փոխադարձ սիրո կարոտը․ Հովհաննես Գրիգորյան

Քաղաքի վրա ամպի նման կուտակվել է փոխադարձ սիրո կարոտը․ Հովհաննես Գրիգորյան

-

 

 

Առավոտ կամ մի քանի խոսք երջանկության մասին

Քաղաքի վրա ամպի նման կուտակվել է փոխադարձ սիրո կարոտը:

Մարմինները յուղած մարզիկները սրճարաններում

հաճոյախոսում են գիպսի նման լերկ ոտքերով կանանց:

«Amour» կամավոր ընկերության անդամները

եռանդով նետեր են արձակում սիրտ-թիրախների վրա:

-Սիրեցե՜ք մեզ-

երկարոտն աղջիկների շարքերն են անցնում:

-սիրեցե՜ք մեզ,

և մենք կարմրաշուրթ երեխեք կունենանք,

գուլպաներ կգործենք

օրորոց կօրորնեք,

տակաշո՜ր կփոխենք…

…Իսկ ահա մթության մեջ

ինչ-որ մեկը խարխափում է ու առաջ շարժվում,

Ես գիտեմ, նա որոնում է

ինձ կախարդելու ամենահարմար առիթը:

Առավոտվա խառն իրարանցման մեջ

ո՜չ ոք չի իմանա,

թե ով էր առաջինը,

որը քրտինքի մեջ լող տալով

մաքուր զգացմունքներ էր որոնում

զուսպ նախադասությունների շարասյունի մեջ:

Իսկ երբ հոգնությունը կփակի իմ աչքերը,

ես գուցե ձեզ հետ ավելի լուրջ խոսակցություն կբացեմ

և դրա համար

մթության մեջ որոնում- գտնում եմ ձեռքը,

որը խարխփում է չղջիկի նման օդի մեջ

և սեղմում եմ դեմքիս,

և արցունքները կաթում են անծանոթ մատների արանքով…

 

- Advertisment -