24/7 լուրերի կիզակետում

24/7 լուրերի կիզակետում

|

Կապ մեզ հետ +374 (11) 555 330

Գլխավոր Արվեստ Պաբլո Ներուդա․ Մի մնա, թեկուզ մի օրով ինձնից հեռու մի մնա

Պաբլո Ներուդա․ Մի մնա, թեկուզ մի օրով ինձնից հեռու մի մնա

-

Մի մնա, թեկուզ մի օրով ինձնից հեռու մի մնա,
չգիտեմ ինչպես ասել, որ օրը ձգվելու է երկար,
ես կսպասեմ քեզ ինչպես դատարկ կայարանում,
երբ սպասում են ինչ-որ տեղ ննջող գնացքներին:

Չգնաս, թեկուզ մի ժամով, քանզի ինքդ գիտես՝
այդ ժամին են կուտակվում կաթիլներն անքնության,
ու գուցե ծուխը թափառող, որ իր համար տուն է փնտրում,
նույնիսկ գա ինձ այցելության` սպանելու սիրտս կորած:

Ա՜խ, թող որ չհալվի քո ուրվագիծը ավազի վրա,
ա՜խ, թող որ չթարթեն կոպերդ դատարկության մեջ…
մի գնա, սիրելիս, թեկուզ մի վայրկյան,

քանզի այն րոպեին, երբ արդեն հեռացած լինես ինձնից,
ոտքի տակ կտամ արար աշխարհը հարցնելու համար՝
հե՞տ ես գալու դու, թե թողնելու ես, որ մեռնեմ դանդաղ:

Իսպաներենից թարգմանեց՝ Ռուզաննա Պետրոսյանը

- Advertisment -