24/7 լուրերի կիզակետում

24/7 լուրերի կիզակետում

|

Կապ մեզ հետ +374 (11) 555 330

Գլխավոր Նորություններ Բոլոր դիրքապահները «թագավոր տղերք» են. Այսօր հերոս Արմեն Հովհաննիսյանի ծննդյան օրն է....

Բոլոր դիրքապահները «թագավոր տղերք» են. Այսօր հերոս Արմեն Հովհաննիսյանի ծննդյան օրն է. Շնորհավոր երկնային ծնունդդ

-

Մերօրյա հերոս Արմեն Հովհաննիսյանը մինչև զորակոչվելը սովորում էր Մշակույթի պետական քոլեջում, զբաղվում էր քանդակագործությամբ, իսկ ծառայությունն ավարտելուց հետո պատրաստվում էր դառնալ օպերատոր:

2014-ի հունվարի 19-ի լույս 20-ի գիշերը՝ ժամը 23։50-ից մինչև 00։15-ի սահմաններում, արցախա-ադրբեջանական հակամարտ զորքերի շփման գծի հյուսիսարևելյան և հարավարևելյան ուղղություններում արձանագրվել են հակառակորդի դիվերսիոն խմբերի ներթափանցման միաժամանակյա փորձեր։

Ադրբեջանցիները գիշերը հարձակվել են մեծ խմբով, սակայն Արմենը, նկատելով դիվերսանտներին, զգուշացրել է զինակիցներին և սկսել դիմադրությունը։ Նույնիսկ ծանր վիրավոր վիճակում նա չի ընկրկել և շարունակել է դիմադրությունը։ Դա հայկական ուժերին հնարավորություն է տվել արագ կազմակերպվել և ետ շպրտել թշնամուն՝ պատճառելով մեծ քանակի կորուստներ։

Բռնկված փոխհրաձգության արդյունքում հակառակորդի կողմից ստացած հրազենային վիրավորումից իր առջև դրված խնդիրը արիաբար կատարելու ժամանակ զոհվել է կրտսեր սերժանտ Արմեն Հովհաննիսյանը։

Արցախի Հանրապետության նախագահ Բակո Սահակյանի հրամանով Արմեն Հովհաննիսյանը հետմահու պարգևատրվել է «Արիության համար» մեդալով, ինչպես նաև ՀՀ նախագահի կողմից հետմահու պարգևատրվել է «Հայրենիքին մատուցած ծառայությունների համար» առաջին աստիճանի մեդալով: Արմենի սենյակը ծնողները դարձրել են թանգարան, որտեղ ամեն ինչ պատմում է զինվորի կյանքի մասին: Արմեն Հովհաննիսյանի անվան թանգարանը բացվել է հունիսի 30-ին` նրա ծննդյան օրը: Արմենի մոր` Մարինե Հովհաննիսյանի խոսքերով` սպիտակ ու լուսավոր անկյունը շարունակում է մնալ Արմենինը:

«Այստեղ է նա անցկացրել իր ժամանակը: Սենյակը թանգարանի վերածելու գաղափարը Արմենի հայրիկինն էր` Լևոն Հովհաննիսյանինը, նա որոշեց մեր տան ամենաթանկ անկյունը դարձնել փառքի սենյակ»,- հարցազրույցներից մեկի ժամանակ պատմել է Արմենի մայրիկը:

«Բոլոր դիրքապահները թագավոր տղերք են»,- ասել է Արմենն, ում այս միտքը վերածվել է թևավոր խոսքի ու զարդարում է նրան նվիրված թանգարանային անկյունը:

Avatar
WearmTV- ն
Մեջբերումներ անելիս, հղումը Wearmtv.com-ի պարտադիր է: Խստիվ արգելվում է կայք-էջի գրառումների, տեսանյութերի վերարտադրումը, բեռնումը, ցանկացած միջոցներով՝ առանց "WearmTV" պաշտոնական համաձայնության։ Կայքում արտահայտված կարծիքները, տեսակետները պարտադիր չէ, որ համընկնեն կայքի խմբագրության տեսակետի հետ:
- Advertisment -

Խորհուրդ է տրվում կարդալ

Ողբերգական դեպք Երևանում․ Վահագնի թաղամասում վրաերթի ենթարկված 3-ամյա տղան մահացել է

0
Քիչ առաջ ողբերգական դեպք է տեղի ունեցել Երևանում։ SHAMSHYAN.com-ի հաղորդմամբ «Արմենիա» բժշկական կենտրոն է տեղափոխվել 3-ամյա տղա երեխա, ով գիտակցության չգալով, մահացել է։ Երեխան հիվանդանոց է...